القائمة الرئيسية

الصفحات

تخفيف مناهج الشهادة الاعدادية والثانوية... نقلا عن حافظ

بعد قرارات وزارة التربية والتعليم اليوم بأن امتحانات إبريل هي أخر امتحانات لصفوف النقل، وان إجازة أخر العام سوف تبدأ من الخميس القادم، عدا الشهادة الاعدادية والشهادة الثانوية.


أثار هذا القرار الكثير من أولياء الأمور والمتخصصين في شؤون التعليم، ومنهم الصحفي أحمد حافظ محرر صحفي لشئون وزارة التعليم بـ"بوابة الأهرام" وسوف نذكر لكم رأيه في هذا الشأن.


تخفيف مناهج الشهادة الاعدادية والثانوية... نقلا عن حافظ


 ليه بنقول مناهج الشهادة الإعدادية والثانوية تتخفف؟

أولا: لأن ظروف جائحة كورونا العام الحالي، هي نفس ظروف جائحة كورونا العام الماضي.. لماذا قررت وزارة التعليم تخفيف المناهج السنة الماضية وترفض تخفيفها السنة الحالية؟


ثانيا: السنة اللي فاتت، كان فيه طلبة بتروح المدارس، وكان فيه شرح في المدارس، السنادي الغالبية العظمى من طلاب الإعدادية والثانوية، وتحديدا في التيرم التاني مدخلوش مدرسة أصلا، ولا حد شرح لهم حاجة من المناهج، ومحدش يقوللي منصات وقنوات الله يخليكم.


ثالثا: لما حضرتك تلغي باقي المناهج لطلبة صفوف النقل بلا استثناء، يبقى حضرتك تاخد نفس الموقف مع الإعدادية والثانوية لأن نفس الظروف اللي دفعتك للقرار ده مع طلبة النقل، هي نفس الظروف الموجودة عند طلبة الشهادات.


رابعا: طلبة صفوف النقل كانوا محتاجين يدرسوا المنهج الباقي أكتر من طلبة الشهادات، لأن مناهج النقل ممتدة ومتصلة، يعني منهج أولى ثانوي مرتبط نسبيا بمنهج 2 ثانوي.. مع إن العكس تماما في الشهادات.. منهج 3 إعدادي منتهي يعني الطالب مش هيحتاجه لما يدخل أولى ثانوي عام أو فني.


 ومنهج 3 ثانوي منتهي، يعني الطالب مش هيحتاجه لما يدخل جامعة.. يبقى إيه المبرر في رفض تخفيف منهج الطالب لا هيتأثر بحذفه تربويا، ولا هيتحاجه لما يطلع للصف الأعلى.


 يا وزارة التعليم الموقرة:

لما بنقول الكلام ده، احنا لا بنمارس الابتزاز ولا المزايدة ولا المتاجرة بقضية عامة، طالما الأسباب واقعية وإنسانية يبقى تخفيف مناهج الإعدادية والثانوية ضرورة حتمية.

نقلا عن الصحفي: احمد حافظ


    هل اعجبك الموضوع :

    تعليقات

    >
    التنقل السريع